51. "Бусдын юмаар гайхуулах..".

51. \дуусаагүй\ Нийтлэлч Алхан Болд. "Бусдын юмаар гайхуулах"

Монголчуудын дунд байгаа шившигын, ичгүүртэй, мөхлийн араншин  бол бусдын юмаар биедээ гайхуулах. Харийнх л бол заавал агуу, гоё байх ёстой хэмээн монголчууд итгэж  байна. Жорлон гэвэл баас, шээс үнэртэнэ, харин нооль, тойлет гэвэл үнэртэхгүй хэмээн монголчууд итгэжээ.
Хэдэн жилийн өмнө ТВ-ээр, хөдөлгөөний дутагдалтай өссөн, үсэндээ дарагдсан, эмэгтэйлэг төрхтэй эрээс сурвалжлагч -Та нар яагаад Пентатоник гэж нэрлэсэн бэ? хэмээн асуухад нөгөөх нь
-Та боддоо, Таван эгшиг нэрлэвэл ямар сонсогдох вэ?!" гэж хариулж байв.

Тэр дараа нь бас "Хурд" хамтлагийнхныг "сонин, хэт хуучирсан арга барилаар дуулж байна гэхэд нь "Хурд"-ын залуу урдаас нь юу ч хэлж чадах хулчиин сууж байсан нь даанч харамсалтай, өрөвдөлтэй байв. Хурдын залуу дуунаасаа ичдэг гэж хэлээгүйд нь баярлая.
Гадааджих, Монголоосоо ичих хоёр энэ улсад эрчимтэй явагдаж байна.

Хендай,  Мицубиши гэхчлэн корей, япончуууд өөрсдийн нэрээ өгсөн ч түүнээс болоод тэдний машиныг муухай нэртэй гэх хүн Ази, Европ, Америкад гарсангүй, худалдан авалт нь өчүүхэн ч бага байдаггүй.

Монгол үндэстний агуу их шүлэгч Ринчины Чойномын хэлсэнчлэн "намрын хатсан навч шиг намхан шар эмгэний"-ий үгсийг шүлс хэмээн голж, харийн хүний үгийг бурхны сургааль хэмээн үздэг болсон монголчууд үнэндээ өрөвдөлтэй...
Монголчууд бусдын юмаар бие биеээ дарамталж байх хооронд харийнхан Монголд суурьшаад Монголын юмаар гайхуулан орлого олж сууна. Mary and Martha aвгайчууд Монголд ирж байгаа бараг бүх жуулчдад өвөл, зунгүй сурталчилгаагаа монгол охидуудыг гудамжинд зогсоон хийлгэж байна. Тэдний зардаг зүйл нь үндсэндээ казак авгай нарын урладаг перс хээ, загвар, өнгийн цүнхнүүд..